Logg inn på Helsenorge
Logg inn
Du kan bruke
- BankID og BankID på mobil
- Buypass ID
- Commfides e-ID
- Helsenorge-appen
for å logge inn til Helsenorge og nytte tenester som Legemiddel, Frikort og eigendelar, Byte fastlege osv.
BankID og BankID på mobil
Du kan logge inn til tenester med høgaste tryggleiksnivå med BankID. Du kan bruke alle typar BankID, også BankID på mobil.
Slik loggar du inn med BankID-appen:
- Vel BankID, ikkje BankID på mobil.
- Vel BankID-app som metode.
- Godkjenn varsel på telefonen. Har du ein Apple-telefon eller -nettbrett, kan du halde fingeren på varselet og kjennne derifrå utan å opne appen.
- Skriv inn BankID-passordet.
Slik loggar du inn med BankID-kodebrikke:
- Skriv inn fødselsnummeret ditt, 11 siffer.
- Vel BankID med kodebrikke som metode.
- Skriv inn eingongskode frå kodebrikka.
- Skriv inn personleg passord.
Slik loggar du inn med BankID på mobil:
- Vel BankID på mobil.
- Skriv inn mobilnummer (8 siffer) og fødselsdato (ddmmåå). Klikk på Neste.
- Du får no opp ein referansekode på skjermen.
- Kontroller at du får opp same referansekode på mobiltelefonen din som på skjermen og klikk på GODTA på mobiltelefonen for å gå vidare.
- Tast inn sjølvlaga ID-PIN (4–8 siffer) på mobilen, for å fullføre innlogginga.
Har du problem med å logge inn med BankID?
Dersom du ikkje får logga inn med BankID kan det vere noko som er feil med innstillingane på datamaskina di.Du kan teste innstillingane dine på denne sida (bankid.no). Dersom du ikkje finn feil, tilrår vi at du tek kontakt med banken din. Dei kan hjelpe.
Logg inn for å bruke tjenestene
Buypass ID
Buypass ID på smartkort
For å logge inn med Buypass på smartkort må du ha ein smartkortlesar kopla til datamaskina. Du må også ha installert nødvendig programvare som følger med kortlesaren. Hugs å ha oppdatert versjon av Java.
Smartkort og kortlesar frå Buypass kan du bestille på Buypass sine nettsider. Kortet er gyldig i 3 år.
Spelarkort frå Norsk Tipping er også eit Buypass-kort, og kan nyttast til innlogging. Har du bestilt spelarkortet på internett, er det klart for bruk i sjølvbeteningsløysingar som krev høgaste tryggleiksnivå. Har du kjøpt kortet hos ein kommisjonær, må du oppgradere kortet før du kan bruke det til innlogging.
Buypass ID i mobil
Dersom du allereie brukar Buypass ID på smartkort, er det enkelt å lage Buypass ID i mobil. Du går til tenesta du vil logge inn i og vel Buypass ID i mobil, så får du rettleiing vidare.
Dersom du ikkje har brukt Buypass på smartkort tidlegare, må du registrere deg som kunde før du kan bruke Buypass ID i mobil.
Commfides e-ID
Commfides e-ID er ein personleg elektronisk ID på høgaste tryggleiksnivå.
Commfides e-ID blir levert som ein sikker USB-pinne. Du loggar deg på ved hjelp av USB-pinnen og ein PIN-kode.
For å ta i bruk Commfides e-ID må du ha eit norsk fødselsnummer eller D-nummer.
Helsenorge-appen
Du kan logge deg på tenestene via Helsenorge-appen.
Du kan logge på appen med
- ansiktsgjenkjenning
- fingeravtrykk
- personleg kode
Du treng ikkje å bruke ID-porten kvar gong du skal bruke tenestene.
Appen gjer deg snarvegar til alle tenestene du har tilgang til på Helsenorge. Tenestene opnast direkte i mobilens nettlesar.
Les meir om Helsenorge-appen.
Logg inn
Tryggleik når du loggar inn
Når du loggar inn på Helsenorge må du kontrollere at du er på ID-porten hos Digitaliseringsdirektoratet (tidlegare Difi). Starten på adressa er https://login.idporten.noog tilkoplinga skal då vere sikker.
Du ser eit hengelåsikon på adresselinja. Det betyr at nettlesaren din sender data kryptert. Du kan klikke på ikonet i adresselinja for å vise detaljar om tryggleiken og sertifikatet. Kontroller at sertifikatet til sidene er gyldig og utferda til Direktoratet for forvalting og IKT.
Nettryggleik Med enkle grep kan du som nettbrukar sjølv hindre at uvedkommande får tak i passord og personopplysningar.Illustrasjon: Johnér Bildbyrå ABSlit du med å logge inn?
Frå du er 16 år kan du nytte dei fleste tenestene på Helsenorge. Desse kan du nytte ved å logge inn med:
- BankID
- Buypass ID
- Commfides e-ID
Med samtykke frå foreldra dine kan du få tilgang til nokre av tenestene frå du er 13 år. Du kan lese meir om korleis du får ungdomstilgang med foreldresamtykke her.
Frå du er 13 år kan du logge inn på Helsenorge-appen for ungdom ved å bruke MinID.
Dersom du har fått nytt fødselsnummer er det ikkje lenger mogleg å logge inn med det gamle fødsels- eller D-nummeret.
Lurer du på noko som gjeld fødselsnummeret ditt kan du kontakte Skatteetaten.
Du kan berre bruke MinID når du skal bestille time hos helsesjukepleiar på skulen du går på, i Helsenorge-appen. Les meir om bruk av Helsenorge-appen frå du er 13 år.
Som vaksen kan du ikkje bruke MinID til å logge på Helsenorge. Det er fordi MinID er ein elektronisk ID som ikkje har høgt nok tryggleiksnivå. For å få tilgang til tenester som inneheld helseopplysningar treng du elektronisk ID på høgste tryggleiksnivå.
